.jpg)
Grænkerið
Velkomin í Grænkerið, hlaðvarpið sem fjallar um alla króka og kima veganisma og snertir á þeim málefnum sem grænkerar upplifa dags daglega. Talað er á mannamáli út frá raunverulegum aðstæðum og reynt að setja fram lausnir við hversdagslegum vandamálum á jákvæðan hátt.
Eva Kristjánsdóttir stýrir hlaðvarpinu en hún hefur verið vegan í 9 ár. Hún stofnaði Grænkerið með það að markmiði að skapa vettvang sem styður við grænkera á sinni vegan vegferð og minnir þau á að þau séu ekki eina vegan fólkið á landinu.
Grænkerið
Vegan jól
Hátíðarnar nálgast og Jólakerið er hér til að aðstoða ykkur með jólamatinn!
Við höfum verið á fullu að taka upp matreiðslumyndbönd af gómsætum hátíðamat. Uppskriftir eins og grafinn gulrótarlox, fylltur krúttlingur, súkkulaði smjördeigs jólatré hafa verið birtar á facebook grúbbu Grænkersins, hlustendavaktin - á Instagram og TikTok.
Við höldum áfram að birta vegan uppskriftir alveg fram að jólum og þar má t.d. nefna ris a la mande, súkkulaðimús, churros, og heitt súkkulaði.
Í þættinum ræði ég við Rósu Maríu um jólamat og jólagjafir bæði fyrir grænkera en einnig gjafir sem eru tilvaldar fyrir grænkera að gefa öðrum.
Þáttur daginsins er í boði ÖRLÖ og Hérastubbs bakarí og þökkum við þeim kærlega fyrir stuðninginn.
-
Grænkerið er hlaðvarp sem fjallar á mannamáli um hin ýmsu málefni grænkera, dýravelferð og umhverfismál. Finndu hópinn Grænkerið - hlustendavaktin á Facebook en þar finnur þú umræður um bæði þættina og almennt vegan líf.