.jpg)
Grænkerið
Velkomin í Grænkerið, hlaðvarpið sem fjallar um alla króka og kima veganisma og snertir á þeim málefnum sem grænkerar upplifa dags daglega. Talað er á mannamáli út frá raunverulegum aðstæðum og reynt að setja fram lausnir við hversdagslegum vandamálum á jákvæðan hátt.
Eva Kristjánsdóttir stýrir hlaðvarpinu en hún hefur verið vegan í 9 ár. Hún stofnaði Grænkerið með það að markmiði að skapa vettvang sem styður við grænkera á sinni vegan vegferð og minnir þau á að þau séu ekki eina vegan fólkið á landinu.
Grænkerið
Vegan heilsa - Rósa Líf Darradóttir læknir
Þessi þáttur er NEGLA þó ég segi sjálf frá.
Rósa Líf Darradóttir, læknir, grænkeri og aktívisti kom til mín í alveg ótrúlega fræðandi viðtal þar sem við ræddum áhrif plöntumiðaðs mataræðis á heilsu okkar.
Hún fór nýlega erlendis á Vegmed, stærstu ráðstefnu plantbased heilbrigðisstarfsfólks í Evrópu. Hún segir okkur frá ráðstefnunni og við förum um víðan völl til að kafa ofan í þetta víðamikla málefni.
Rósa er einstaklega góð í að segja flókna hluti á einföldu mannamáli en við ræddum meðal annars um :
- Tengsl mataræðis við sjúkdóma og þá sérstaklega krabbamein og hjarta- og æðasjúkdóma
- Plöntufæði sem læknisfræðilegt meðferðarúrræði
- Þurfum við að taka mark á næringarráðleggingum um æskilega eða skaðlega næringu?
- Hvað þýðir það að ákveðnar matvörur sé flokkaðar sem skaðlegar eða krabbameinsvaldandi?
Þessi þáttur er í boði Kökulist Bakarí en þar er hægt að fá gómsætar kökur með prentuðum myndum og rooooooooooooosalega góðum mini kleinuhringjum sem þú verður eiginlega að prófa..
-
Grænkerið er hlaðvarp sem fjallar á mannamáli um hin ýmsu málefni grænkera, dýravelferð og umhverfismál. Finndu hópinn Grænkerið - hlustendavaktin á Facebook en þar finnur þú umræður um bæði þættina og almennt vegan líf.