.jpg)
Grænkerið
Velkomin í Grænkerið, hlaðvarpið sem fjallar um alla króka og kima veganisma og snertir á þeim málefnum sem grænkerar upplifa dags daglega. Talað er á mannamáli út frá raunverulegum aðstæðum og reynt að setja fram lausnir við hversdagslegum vandamálum á jákvæðan hátt.
Eva Kristjánsdóttir stýrir hlaðvarpinu en hún hefur verið vegan í 9 ár. Hún stofnaði Grænkerið með það að markmiði að skapa vettvang sem styður við grænkera á sinni vegan vegferð og minnir þau á að þau séu ekki eina vegan fólkið á landinu.
Grænkerið
Á vegan fólk að bjóða upp á kjöt í veislum?
Í þætti dagsins fær Eva hana Birtu Ísey í heimsókn en Birta situr í stjórn Samtaka grænkera og segir okkur m.a. frá Vegan festivali sem verður haldið 20 ágúst 2023.
Eva byrjar á að segja Birtu frá brúðkaupi sem hún fór í um daginn en þar var ALLT VEGAN!
Hún segir henni einnig frá samræðum sem hún átti við non-vegan kunningja fyrir skömmu. Hann vildi meina að vegan fólk ætti að sjálfsögðu að bjóða upp á kjöt máltíð fyrir þau sem borða kjöt í veislum hjá sér, rétt eins og "allir" taka tillit til vegan fólks.
Við komum meðal annars inná
- Er það sambærilegt fyrir "kjötætur" að bjóða upp á eina vegan máltíð og að biðja vegan manneskju að bjóða upp á máltíð með dýraafurðum í?
- Er tekið svona mikið tillit til vegan fólks?
- Er svona erfitt fyrir fólk að borða eina vegan máltíð?
Ef þú hefur gaman að þættinum hver ég þig til að ýta á follow eða subscribe á þinni hlaðvarpsveitu. Þannig heldur appið utan um gamla og nýja þætti og þú hjálpar í leiðinni hlaðvarpinu að ná til fleira fólks
-
Grænkerið er hlaðvarp sem fjallar á mannamáli um hin ýmsu málefni grænkera, dýravelferð og umhverfismál. Finndu hópinn Grænkerið - hlustendavaktin á Facebook en þar finnur þú umræður um bæði þættina og almennt vegan líf.